ҚоғамКоронавирус

Вакцинация паспорты Ashyq қосымшасымен біріктіріледі – Цой

Фото: Kazpravda.kz/Талгат Аханов
Вакцинация паспорты Ashyq қосымшасымен біріктіріледі. Бұл туралы ҚР Денсаулық сақтау министрі Алексей Цой халық алдындағы есептік кездесуде мәлімдеді, деп хабарлайды Kazpravda.kz ҚР Денсаулық сақтау министрлігінің баспасөз қызметіне сілтеме жасап.

Халықты иммундық алдын алу үшін Денсаулық сақтау министрлігі e-gov mobile "Вакцинация" сервисін, sms-хабарламаларды, жеке кабинетті пайдалану, сондай-ақ "Цифрлық құжаттар" сервисінде вакцинация паспортын енгізу арқылы IT-технологиялардың мүмкіндіктерін кеңінен пайдаланатыны аталып өтілді. Болашақта вакцинация паспортын қолдану кеңейтіледі.

"Вакцинация жүргізу туралы деректер электрондық форматта орналастырылады. Бұл вакциналанғандардың санын есепке алуға және вакцинация көлемін жоспарлау және сырқаттанушылықты болжау үшін болашақта халықтың иммундық мәртебесін қадағалауға мүмкіндік береді", – деді Алексей Цой.

Вакцинация паспортында адам қандай препараттарды, қандай дозаларда, қандай күндерде алғаны туралы мәліметтер көрсетіледі. Сонымен қатар ол құжатты талап ету орны бойынша көрсетуге және QR-кодтың көмегімен қолжетімділікті ашуға мүмкіндік береді.

"Қазіргі уақытта вакцинация паспортын біріктіру үшін IATA халықаралық әуе көлігі қауымдастығымен ынтымақтастық мәселесі қарастырылуда. Вакцинация паспортын Ashyq қосымшасымен біріктіру 2021 жылдың 1 шілдесінен бастап жүзеге асырылады", – деді Денсаулық сақтау министрі.

Оның сөзіне қарағанда, вакцинация паспортымен қатар елде жылу карталарын енгізілуде. Бұл телекоммуникациялық деректер базасында пандемия кезіндегі қаланың белсенділігін талдау жүйесі. Жылу карталары тұрғындардың белсенділігі мен шоғырлану орындарын, 103, 1406, 1308, 102 қоңыраулардың шоғырлану орындарын және облыстық көші-қон ағындарын анықтауға мүмкіндік береді.

Қазіргі уақытта Алматы қаласында жылу карталарын пайдалану бойынша пилоттық жоба іске асырылуда.

"Жылу карталарын пайдалану ведомствоаралық комиссияның, санитарлық-эпидемиологиялық бақылау департаментінің, полиция департаментінің, Алматы қаласы Қоғамдық денсаулық сақтау басқармасының тұрақты қолжетімділігі, алынған талдауды санитарлық мониторинг мақсаттары үшін пайдалану, патрульдеу бағыттарын оңтайландыру, төсек қорын жоспарлау, қабылданған шаралардың тиімділігін талдау сияқты мүмкіндіктерді ұсынады", – деді А.Цой.
11:18, 30 Сәуір 2021
0
21728
Жазылу

Сондай-ақ оқыңыз

Көп оқылғаны