Қоғам

ШҚО-да медицина қызметкерлері карантин кезінде шекарадан өтуге рұқсат беретін анықтамалар сатқан

Фото: Kazpravda.kz/Адильбек Тауекелов
ҚР ҰҚК ШҚО бойынша Департаментімен "Ж" жеке медициналық орталығымен ұйымдастырылған ҚР шекарасын заңсыз өтуге қолданылатын жалған дәрігерлік консультациялық комиссия (ДКК) қорытындыларын сату бойынша қызметі тоқтатылды, деп хабарлайды Kazpravda.kz ҚР ҰҚК баспасөз қызметіне сілтеме жасап.

"2020 жылдың 18 қыркүйегінде жедел-іздестіру шараларын асыру барысында, жалған ДКК қорытындысын бақылау сатып алу нәтижесінде аталған медициналық орталық қызметкерлерінің заңсыз әрекеті расталды", – делінген хабарламада.

Жедел-тергеу шаралардың нәтижесінде алдында берілген 200 жуық ДКК қорытындылары, дәрігерлердің қолы мен таңбалары қойылған толтырылмаған бланкілер, таңбалар және компьютерлік техника табылып, тәркіленіп алынғаны айтылды.

Куәгерлерден жауап алу нәтижесінде ДКК қорытындыларының түпнұсқалары алынып, сәйкес экспертизаға жолданды.

"Белгілі болғандай, медициналық орталықтың директор орынбасары мен бас дәрігері 5 мың теңге ақшалай сыйақы үшін жалған ДКК қорытындыларын тұлғаларға сатып отырған. Сонымен қатар, шетел медициналық мекемесінен шақыру қажет болған жағдайда, қызмет бағасы 10 теңгеге бағаланды", – деп атап өтті ҰҚК.

Аталған факт бойынша ҚР ҰҚК ШҚО бойынша Департаментімен ҚР ҚҚ 385 бабы 1 тармағы бойынша қылмыстық іс қозғалды.

Жүргізілген тергеу шаралары және жинақталған дәлелдемелер нәтижесінде күдіктілер өз кінәсін толығымен мойындады.

Нәтижесінде, 2020 жылдың 19 қарашасында сотпен күдіктілер ҚР ҚҚ 385 бабы 2 тармағы бойынша кінәлі болып табылып, әрқайсысына 1000 МЕК көлемінде айыппұл тағайындалды.

"Тағы айта кететін жайт, соңғы уақытта түрлі әрекеттерді қолданып, ҚР-РФ шекарасын заңсыз өту талпыныстары байқалуда. А.ж. қыркүйегінен бастап 3 ШҚО тұрғыны жалған ДКК қорытындыларын пайдалану арқылы шекарадан заңсыз өту әрекеті тоқтатылды", – деп түйді ҰҚК-де.
11:05, 26 Қараша 2020
0
1216
Жазылу

Көп оқылғаны