Қоғам

Нұр-Сұлтанда велосипедті жалға алу жүйесі бір ай бұрын іске қосылады

Фото предоставлено источником
15 сәуірде Нұр-Сұлтан қаласында Astana Bike автоматтандырылған велосипед жалдау жүйесі іске қосылады. Сәуір айының соңына дейін пайдаланушыларға 850 велосипед пен 154 велостанция қолжетімді болады, деп хабарлайды Kazpravda.kz "City Transportation Systems" ЖШС баспасөз қызметіне сілтеме жасап.

"Ауа-райының қолайлы болуына байланысты қызметті 15 сәуірде іске қосу туралы шешім қабылданды, бұл өткен жылмен салыстырғанда бір ай бұрын. Айта кету керек, веложабдықтың іске қосу-жөндеу жұмыстарының үлкен көлемі бір мезгілде барлық 154 велостанцияны іске қосуға мүмкіндік бермейді. Сол себепті бұл жұмыс 3 кезеңде жүргізіледі. Біріншісінде: Есіл ауданы бойынша 400 велосипед және 62 велостанция іске қосылады. Екіншісінде: 23 сәуірге дейін Сарыарқа, Алматы және Байқоңыр аудандары бойынша қосымша 300 велосипед және 48 велостанция бар. Үшіншісінде: 30 сәуірге дейін", – делінген хабарламада.

Велостанциялардың орналасқан жерін www.velobike.kz сайтынан көруге болады. Іске қосылған станциялар көк түспен белгіленеді. Сондай-ақ мамыр айының соңына дейін 155-велостанция іске қосылатыны белгілі болды.

Велосипедтер мен абонементтерді сатып алу 15 сәуірден сағат 9:00-ден бастап сайттан және City Transportation Systems компаниясының кассаларынан алуға болатыны айтылды.

Велошеринг қызметін www.velobike.kz сайтында жүйеде онлайн-тіркелу рәсімінен кейін пайдалануға болады. 16 жастан бастап қолдануға рұқсат. Велосипедтерді жалға беру жүйесі 24/7 режимінде жұмыс істейді.

Тарифтер өзгеріссіз:
Стандартты абонементтер:
- айлық абонемент - 2 500 теңге;
- тоқсандық абонемент - 6 000 теңге;
- маусымдық абонемент - 10 000 теңге.
Жеңілдікті абонементтер:
- тоқсандық абонемент - 3 000 теңге;
- маусымдық абонемент - 5 000 теңге.

50% жеңілдік растайтын құжаттарды ұсынылған жағдайда студенттерге, зейнеткерлерге, ерекше қажеттіліктері бар адамдарға (3-топ), ҰОС қатысушылары мен мүгедектеріне және оларға теңестірілген тұлғаларға, Ауған соғысы ардагерлеріне, көп балалы аналарға, көп балалы отбасыларға, ерекше қажеттіліктері бар балалар, оның ішінде ата-аналардың (заңды өкілдердің) біреуіне; барлық топтағы мүгедектерге беріледі және тек тоқсандық және маусымдық абонементтерге қолданылады.

Стандартты немесе жеңілдікті абонементтерден басқа пайдаланушының шотында 500 теңге болуы тиіс. Егер ақша таусылса, велосипед экранында «қате» шығады. 30 минутқа дейін велосипедті шектеусіз пайдалануға болады, бастысы - стандартты абонемент сатып алу.

30 минуттан артық жол жүру құны жалға алу уақытына қарай төлем бөлігін есепке ала отырып есептеледі:
– 0-ден 30 минутқа дейін - абонемент құнына қосылған;
– 31-ден 60-қа дейін - 100 теңге;
- 61-ден 120-ға дейін - 250 теңге;
- 121-ден 180-ге дейін - 500 теңге;
- 181-ден бастап және әр келесі сағатқа - 1 000 теңге.

1 мамырға дейін тәуліктік абонементтер қолданысқа енгізіледі:
- 1 тәуліктік абонемент - 3 500 теңге;
- 3 тәуліктік абонемент - 9 000 теңге;
- 7 тәуліктік абонемент - 17 500 теңге.

"Тәуліктік абонементтер елорда қонақтары мен шетелдік туристерге арналады. Тәуліктік абонементтерге қол жеткізу үшін www.velobike.kz сайтында тіркелу қажет, жеке кабинетте банктік картаның көмегімен абоненттік төлем жасалады. Сондай-ақ депозиттік кепіл енгізіледі – 37 500 теңге. Депозит - велосипедті станцияға қайтарудың кепілі. Жалдау аяқталғаннан кейін нақты жүру сомасы есептен шығарылады және балансты шегеруді ескере отырып, кепілді онлайн-қайтару жүзеге асырылады", – деп қосты компанияда.

Пайдаланушылар қалалық веложалдау бойынша Нұр-Сұлтан қаласының iKOMEK-109 бірыңғай байланыс орталығы қоңырау шалу арқылы кеңес ала алады.
Автор:
Айдана Демесинова
12:57, 14 Сәуір 2021
0
1361
Жазылу

Көп оқылғаны