Экономика

Зейнетақы төлемдеріне өтінішті онлайн қалай беруге болады

Фото: Kazpravda.kz/Адильбек Тауекелов
Бірыңғай жинақтаушы зейнетақы қорында зейнетақы төлемдеріне өтінішті онлайн қалай беруге болатынын айтып берді, деп хабарлайды Kazpravda.kz.

БЖЗҚ корпоративтік сайтында қашықтан беруге болатын зейнетақы төлемдерін тағайындау туралы өтініштер түрлерінің желісі кеңейтілгені айтылды. Бұл қызметті енді БЖЗҚ-да ерікті зейнетақы жарналары есебінен зейнетақы жинақтары бар зейнетақы төлемдерін алушылардың төмендегі санаттары да пайдалана алады:

– 50 жасқа толған тұлғалар;

– мүгедектігі бар тұлғалар.

"Өтініш берер алдында қолданыстағы электрондық цифрлық қолтаңбаның (ЭЦҚ), жеке басын куәландыратын құжаттың, Қазақстан Республикасының ұлттық валютасында ашылған банк шотының бар екендігіне көз жеткізу қажет.

Өтініш беру мақсатында БЖЗҚ сайтындағы (www.enpf.kz) жеке кабинетте ЭЦҚ-ның көмегімен авторланудан өтіп, "Қызметтер" бөліміндегі "Зейнетақы төлемдерін тағайындау туралы өтініш беру" қызметін таңдау қажет, одан әрі тиісті құжаттарды толтырып, ЭЦҚ-мен қол қою керек.

БЖЗҚ-ның өтінішті өңдеу мәртебесін Сіз жеке кабинетіңіздің "Қызметтер" бөліміндегі "Менің төлемдер/аударымдар туралы өтініштерім" қызметі, сондай-ақ, БЖЗҚ корпоративтік сайты арқылы оңай қадағалай аласыз", – делінген хабарламада.

Қорда ағымдағы жылдың 1 мамырынан бастап ерікті зейнетақы жарналарын есепке алу үшін жеке зейнетақы шоттарының БЖЗҚ-ға түскен алғашқы ерікті зейнетақы жарнасының негізінде, өтініш беру қажеттілігінсіз ашылатынын еске салды.
15:40,5 Мамыр 2021
0
4461
Жазылу

Сондай-ақ оқыңыз

Көп оқылғаны